АҚШ томонидан жорий этилган денгиз блокадаси ва Форс кўрфазидан ташқарида танкерларда сақланаётган нефть захираларининг камайиши туфайли Эроннинг нефть экспортидан олаётган даромадлари кескин қисқармоқда. Бу ҳақда The Wall Street Journal Kpler таҳлилий компанияси маълумотларига таяниб хабар берди.
Июль ойи ўртасида блокада қайта тикланганидан сўнг Эрон нефтини ташиётган бирорта ҳам танкер АҚШ ҳарбий-денгиз кучлари томонидан белгиланган чизиқни кесиб ўтмаган.
Август ойида Эрон кунига тахминан 255 минг баррел нефть юклаган. Бу февраль–апрель ойларидаги ўртача кўрсаткичдан 85 фоизга кам. Ушбу нефть Форс кўрфазида қолиб кетмоқда.
Форс кўрфази ташқарисидаги танкерларда сақланаётган Эрон нефти захираси 90 миллион баррелдан 29 миллион баррелгача камайган.
Kpler баҳосига кўра, кунига тахминан 1 миллион баррел миқдорида етказиб бериш давом этса, захиралар октябрь ойининг ўрталарига келиб тугаши мумкин. Илгари етказиб берилган нефть учун тушумлар эса декабрь ойининг ўрталарига келиб тўхташи мумкин.
Қуруқлик орқали ўтадиган йўналишлар орқали эса кунига кўпи билан 40 минг баррел нефть экспорт қилиш имкони бор.
Нефть даромадларининг чекланиши Эрондаги иқтисодий инқирозни янада кучайтирмоқда. Мамлакатда инфляция 80 фоиздан ошган, риал қиймати 15 фоизга пасайган.
Халқаро валюта жамғармаси 2026 йилда Эрон иқтисодиёти 5,4 фоизга қисқаришини прогноз қилмоқда.
Нефть сақлаш омборларининг тўлиб қолиши сабабли Теҳрон нефть қазиб чиқариш ҳажмини ҳам қисқартиришга мажбур бўлмоқда.
Дунё харитаси 500 йил ичида илк бор янгиланди
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
💴 Адлия вазирлиги Ўзбекистондаги пенсия ва нафақалар миқдорини эслатди
