Мерих Демирал зилзиладан жабрланганларга ёрдам бериш учун Криштиану Роналдунинг футболкасини сотади.
«Мен ҳозиргина Криштиану билан гаплашдим. У Туркияда содир бўлган воқеадан жуда хафа эканлигини айтди.
Коллекциямдаги Роналду имзоси туширилган футболкани кимошди савдосига қўямиз. Ундан тушган барча маблағ хайрия қилинади ва зилзила содир бўлган ҳудудда ишлатилади», — деб ёзди «Аталанта» клуби ва Туркия миллий жамоаси ҳимоячиси ўзининг ижтимоий тармоқдаги саҳифасида.
Футболчилар «Ювентус»да бирга ўйнашган. Криштианунинг айнан Турин клубидаги либоси ауционда сотилади.
Эслатиб ўтамиз, 6 феврал куни Туркиянинг жануби-шарқида 7,8 магнитудали зилзила содир бўлди, ундан кейин 40дан ортиқ ер силкиниши қайд этилди. Натижада 5 мингдан ортиқ одам ҳалок бўлди, 20 мингдан ортиқ киши жароҳат олди.
Ортиқхўжаев янги лавозимда иш бошлагани айтилмоқда
АПЛ. «Саутгемптон» - «Манчестер Сити». Ҳусанов бугунги баҳсда иштирок этмайди
"Реал"да кутилмаган қарор! Анчелотти "Барса"га қарши Арда Гюлерни асосий таркибда туширади
