Давлат думаси мигрантларни мамлакатдан чиқариб юборишнинг янги йўлини топди

Давлат думаси мигрантларни мамлакатдан чиқариб юбориш учун асослар рўйхатини 22 тадан 45 тагача кенгайтирувчи қонунни қабул қилди.

Энди қуйидаги ҳолатлар учун ҳам мигрантлар депортация қилиниши мумкин:

— тақиқланган рамзларни тарғиб қилиш ёки намойиш этиш;
— Россия ҳудудий яхлитлигини бузишга чақириқлар;
— «номақбул» деб топилган ташкилотлар фаолиятида иштирок этиш;
— Россия Қуролли кучларини дискредитация қилиш;
— майда безорилик;
— ноқонуний митингларда иштирок этиш;
— Россияга қарши санкциялар жорий этишга чақириш;
— полиция ходими ёки ҳарбийнинг қонуний талабига бўйсунмаслик;
— оммавий ахборот воситалари эркинлигини суиистеъмол қилиш.