Буюк Британияда хантавирус инфекциясининг учинчи ҳолати қайд этилди

MV Hondius круиз кемасида бўлган Британия фуқаролари орасида учинчи хантавирус инфекцияси ҳолати тасдиқланди.

Бу ҳақда Британия оммавий ахборот воситалари Буюк Британия Соғлиқни сақлашни ҳимоя қилиш агентлиги (UKHSA) маълумотларига таяниб хабар бермоқда.

"Икки Британия фуқаросида хантавирус инфексияси борлиги тасдиқланди ва яна бир ҳолат Тристан-да-Кунья оролида гумон қилинмоқда", дейилади баёнотда.

Буюк Британия расмийлари якшанба куни MV Hondius кемасининг Тенерифега етиб келишига тайёргарлик кўрмоқда.

"Ҳозирда бортдаги Британия фуқароларининг ҳеч бирида аломатлар кузатилмаяпти ва улар диққат билан кузатилмоқда", деб аниқлик киритди агентлик.

Жаҳон соғлиқни сақлаш ташкилоти илгари кемада ҳантавирус инфексиясининг етти ҳолати тасдиқлангани ҳақида хабар берган эди. Уч киши вафот этди, бири Жанубий Африкада реанимацияда, яна иккитаси тиббий эвакуацияга муҳтож.