Германия Қуролли Кучлари (Бундесвер) бош инспектори Карстен Бройер НАТО Ҳарбий Қўмитасининг янги раҳбари этиб сайланди ва 2027 йил ёзининг бошида ўз вазифасини бажаришга киришади.
Италиялик адмирал ва қўмитанинг амалдаги раҳбари Джузеппе Каво Драгоне бу ҳақда ижтимоий тармоқ саҳифасида эълон қилди.
Унинг сўзларига кўра, 32 та НАТО мамлакатидан ҳарбий раҳбарлар иштирок этган овоз бериш Копенгагендаги йиғилишда бўлиб ўтди.
"Сизнинг эҳтиёткорлигингиз, ушбу иттифоқ ҳақидаги чуқур билимингиз ва Германия Қуролли Кучларига раҳбарлигингиз НАТОга фойда келтиради. Мудофаа бошлиқлари Евро-Атлантика хавфсизлиги учун қийин пайтда сизга ишонишди", деб ёзган Драгоне 61 ёшли Бройерни табриклаб.
Германия армиясининг амалдаги қўмондони генерал-лейтенант Кристиан Фройдинг йил охирига қадар Бройернинг ўрнини бош инспектор эгаллаши кутилмоқда.
Шуни таъкидлаш керакки, Ҳарбий Қўмита НАТОнинг энг юқори ҳарбий органи бўлиб, унинг раиси Бош котиб Марк Рюттенинг бош ҳарбий маслаҳатчиси ҳисобланади. Аввалроқ, АҚШ президенти Дональд Трамп ўнлаб йиллар давомида Америка етакчилигидан сўнг, Европа мамлакатларидан қитъа мудофааси учун асосий масъулиятни ўз зиммаларига олишни талаб қилган эди.
Муҳожирлар кетмоқда — Москва эса қайтишга чақирмоқда
Дунёда атиги уч киши хорижга паспортсиз саёҳат қилиши мумкин
Сурхондарёда 3700 йиллик қабрлар ўрганилмоқда
