Бруну Фернандеш АПЛ тарихидаги рекордни такрорлади

"Манчестер Юнайтед” ярим ҳимоячиси Бруну Фернандеш Англия премьер лигасидаги ассистлар бўйича тарихий натижани такрорлади.

Португалиялик футболчи 37-турда “Ноттингем Форест”га қарши учрашувнинг 76-дақиқасида Брайан Мбёмога голли узатмани амалга оширди.

Бу Брунунинг жорий мавсумдаги 20-ассисти бўлди. АПЛ тарихида бундай натижага фақат Тьерри Анри (2002/03) ва Кевин де Брюйне (2019/20) эришган эди.

Жорий мавсумда “Манчестер Юнайтед” яна битта ўйин ўтказади. “Қизил иблислар” 24 май куни “Брайтон”га қарши майдонга тушади.