Британияда нима учун бир кунда иккинчи вазир ишдан кетди

Британия меҳнат ва пенсиялар вазири Эстер Маквей Brexit бўйича келишув туфайли ўз истеъфоси ҳақида маълум қилди. Бу ҳақда Reuters хабар бермоқда.

«Келишув референдум натижаларини инобатга олмайди», - дея маълум қилди Маквей.

Аввалроқ, Британиянинг Европа иттифоқидан чиқиш ишлари бўйича вазири Доминик Рааб ўз истеъфоси ҳақида хабар берганди.

«Бугун мен Brexit ишлари бўйича вазир лавозимидан кетмоқдаман. Мен соф виждон билан бизнинг Европа иттифоқига алоқадор келишувимиз учун таклиф этилган саъй-ҳаракатларни қўллаб-қувватлай олмайман», - дея таъкидлаб ўтди сиёсатчи.

Шунингдек, Доминик Рааб истеъфога чиққанлиги ҳақидаги хабарлардан сўнг, Британия фунт стерлинги қиймати кескин тушиб кетди.

Manba: kun.uz