Британия разведка маълумотларига кўра, Россия Украина ғалласини экспорт қилиш учун олиб кетаётган фуқаролик кемалари йўлига денгиз миналарини ўрнатмоқчи бўлган. Бу ҳақда BBC хабар бермоқда.
“Махфий... далиллар Россиянинг Қора денгиздаги фуқаролик кемаларига ҳужум қилишда давом этиши, жумладан, Украина портларига яқин жойда денгиз миналарини қўйиши мумкинлигини кўрсатмоқда”, — дейилади чоршанба куни кечқурун Буюк Британия Ташқи ишлар вазирлиги баёнотида.
Шу билан бирга, Ташқи ишлар вазирлиги разведка маълумотларига таяниб, Россия Украинани фуқаролик кемаларини миналар билан портлатганликда айблашга ҳаракат қилишини айтмоқда.