Британия қанча ўзбекистонликка «олтин виза» берган?

Буюк Британия 2008-2020 йилларда 12 нафар ўзбекистонликка «олтин виза» берган. Уларнинг кимлиги, исм-шарифлари номаълум.

Британия «олтин виза»сининг қадри шундаки, шахс маълум суммага бир умр Британияда яшаши, бизнес қилиши ҳамда фарзандлари энг яхши Европа таълимини олишини таъминлаши бериши мумкин. «Олтин виза»ни олиш учун инвестор камида 2 миллион фунт стерлингга эга бўлиши керак.

Бу даврда энг кўп «олтин виза»ни хитойликлар, кейин россияликлар олган. Қўшнимиз Қозоғистон ҳам биринчи ўнталикка киради (278 нафар).

Spotlight on Corruption ташкилоти ҳисоботида айтилишича, Буюк Британия ҳукумати “олтин виза” бериш тизимини ислоҳ қилиш, ошкораликка урғуни кучайтириши керак. Чунки «олтин виза» олганлар орасида коррупция орқали бойлик орттирганлар талайгина.