Британия расмийлари Британия денгиз флотига тегишли учувчисиз ер усти транспорт воситаларига ўрнатилган камералар Хитойдаги IP-манзилга техник маълумотларни узатаётганини аниқладилар.
Бу ҳақда The Telegraph нашри хабар берди.
Газетанинг ёзишича, гап Британия мудофаа пудратчиси Kraken Technology Group томонидан етказиб берилган K3 Scout дронлари ҳақида кетмоқда. Дронлар учун камералар илгари ускунанинг хавфсизлигини кафолатлаган учинчи томон компаниясидан сотиб олинган.
Камераларда Хитойда ишлаб чиқарилган компонентлар борлиги аниқланди. Тергов шуни кўрсатдики, қурилмалар Хитойга тизим ҳолати сигналларини - ускунанинг тармоққа уланиши ва унинг функциялари ҳақидаги техник маълумотларни узатаётган эди.
Маълумотлар узатилишини аниқлагандан сўнг, Буюк Британия Мудофаа вазирлиги дронларни интернетдан узиб қўйди.
Вазирлик вакили тергов давомида хорижга махфий ёки муҳим маълумотларнинг чиқиб кетганига оид ҳеч қандай далил топилмаганини айтди.
Илон Маск Украинага Россиянинг ичкарисига зарба бериш учун Starlink тақдим этишдан бош тортди
Олимлар Ер аҳолиси сонини босқичма-босқич камайтириш ғоясини илгари сурди
Путин ва Лукашенкодан "қутулиш" керак
