Британия бош вазири мамлакатнинг Европа Иттифоқига қайтишини истисно қилмади

Британия бош вазири Энди Бёрнэм мамлакатнинг Европа Иттифоқига (ЕИ) қайта қўшилиши эҳтимолини истисно қилмади.

У BBC билан суҳбатда Британия аввал ЕИнинг ягона бозори ва Божхона иттифоқига қўшилиши мумкинлигини айтди. Шунингдек, мамлакат ЕИ билан муносабатларда бундан ҳам яқинроқ ҳамкорлик қилиши мумкинлигини билдирди.

Бёрнэм турли вариантларни ўрганиш, уларнинг амалга ошириш имкониятлари, афзаллик ва камчиликларини баҳолаш зарурлигини таъкидлади.

Франция президенти Эммануэль Макрон Британиянинг ЕИга қайтиш эҳтимолига ижобий муносабат билдириб, «Хуш келибсиз!» деди. Испания бош вазири Педро Санчес ҳам Лондоннинг ЕИга қайта яқинлашишига очиқ эканини билдирди.

Июн ойида Survation ўтказган сўровга кўра, агар бугун референдум ўтказилса, респондентларнинг 55 фоизи Британиянинг ЕИга қайтиши учун овоз берган бўлар эди. 2016 йилги референдумда эса 51,9 фоиз сайловчи ЕИдан чиқишни қўллаб-қувватлаган.

Айни пайтда Британиянинг ЕИга қайта аъзо бўлиши бўйича расмий қарор қабул қилинмаган.