“Globo” порталининг хабар беришича, Бразилиядаги Освальд Крус номидаги институтнинг респиратор вируслар ва қизамиқ лабораторияси мудири Миралда Сикейра мамлакатда чўчқа гриппининг янги штамми пайдо бўлганлигини маълум қилган.
Унинг сўзларига кўра, ўрганилган намуналарда A / H1N2 гриппининг бошқа вирусларидан фарқ қилувчи генетик конфигурациялар топилган.
Сикейранинг таъкидлашича, вирус пайдо бўлганидан бери (2005 йилдан бери) A / H1N2 гриппининг 25 тури аниқланган.
"Аммо Ибипоранда топилган намуна дунёда илгари аниқланган барча кўринишлардан фарқ қилади", дея қўшимча қилади у.
