Россиянинг "Азур Аир" авиакомпаниясининг АЗВ2463 рейси билан Перм — Гоа йўналишида парвоз қилаётган, бортида 231 йўловчи бўлган самолёт соат 03:58 да бомба хавфи туфайли Термиз халқаро аэропортига қўнгани ҳақида хабар бергандик.
Тегишли текширувлардан сўнг йўловчилар ва экипаж аъзолари аэропорт терминалига таклиф қилинди. Аэропорт ходимлари фавқулодда қўнишни амалга оширган борт йўловчилари учун энг қулай шароитларни яратишга ҳаракат қилишди.
«Бугун эрта тонгда таътилга учаётган икки юздан ортиқ йўловчилар аэропортимизга қўнишга мажбур бўлишди. Улар чарчаган, барчанинг кайфияти тушиб кетган. Биз қандайдир тарзда йўловчиларнинг кўнглини кўтаришга, далда беришга, қўллаб-қувватлашга ҳаракат қилдик. Тушликка эса палов тайёрладик. Бугун бир йўловчининг туғилган куни ркан. Бу кунни яхшилик билан эслаш керак деган қарорга келдик ва кичик эсдалик совғасини топширдик, барчамиз ушбу йўловчини бир овоздан табрикладик.Вазиятни оз бўлсада юмшатишга муваффақ бўлганимиздан хурсандмиз», — деди «Термиз» аэропорти директори Шуҳрат Қобилов.
Ўзбекистон тиббиёти оғир жудоликка учради
Энергия тармоқларига ўзбошимчалик билан уларниш ўғрилик ҳисобланади
Татьяна Каримова ва Пётр Каримов ўртасидаги суд иши давом этмоқда
