Болаларга зўравонлик қилган тарбиячиларга жарима солинади

11 сентябрдаги ЎРҚ–1174-сон Қонун билан болаларга нисбатан зўравонликнинг олдини олишга қаратилган янги жавобгарлик чоралари белгиланди.

Таълим ташкилотида болага нисбатан жисмоний зўравонлик, камситиш ёки хўрлаш содир этган масъул шахсга 1–5 БҲМ миқдорида жарима солинади.

Бундай ҳуқуқбузарлик учун маъмурий жавобгарликка тортилган шахслар 1 йил давомида мактабгача, умумий ўрта, профессионал ва болаларга қўшимча таълим ташкилотларида педагогик фаолият билан шуғуллана олмайди.

Шунингдек, давлат ёки нодавлат муассасасининг тўлиқ таъминотидаги болалар учун алимент тўлашдан ота-онани озод қилишга йўл қўйилмайди.

📌 Қонун расмий эълон қилинган кундан кучга киради.