Бобур Комилов Туркияда вафот этган, сабаблари ҳам маълум

Аввалроқ, таниқли телебошловчи Бобур Комилов оғир хасталикдан сўнг, бугун, 12 ноябрь куни вафот этгани ҳақида хабар берган эдик.

QALAMPIR.UZ манбаси етказган хабарларга кўра, Бобур Комилов Туркиянинг Истанбул шаҳрида даволанаётган бўлган. У ичак саратони хасталигига чалингани айтилмоқда.

Туркияда вафот этган Бобур Комиловнинг жасадини олиб келиш учун унинг оила аъзолари Истанбулга йўл олаётгани хабар қилинди.

Маълумот ўрнида, 1984 йил 23 сентябрь куни Сурхондарё вилояти Денов туманида таваллуд топган.
У Ўзбекистон давлат жаҳон тилларини университетининг Инглиз филологияси факультетини тамомлаган эди. Қолаверса, London City университетида ўқиган.
 
Бизгача етиб келган хабарларга қараганда, бир йил аввал Бобур Комиловнинг отаси ҳам вафот этган.
 
Телебошловчи оила қурмаган эди.
 
QALAMPIR.UZ таҳририяти аъзолари номидан Бобур Комиловнинг оила аъзолари ва яқинларига чуқур ҳамдардлик билдирамиз.

Manba: qalampir.com