БМТ Бош котиби: АҚШ ва Исроилнинг Эронга қарши амалиёти назоратдан чиқиб кетди

БМТ Бош котиби Антониу Гутерриш АҚШ ва Исроилнинг Эронга қарши амалиёти назоратдан чиқиб кетганини маълум қилди.

Унинг сўзларига кўра, мавжуд вазият янада кенг кўламли низога айланиб кетиш хавфини туғдирмоқда, деб хабар беради РИА Новости.

«Уч ҳафтадан кўпроқ вақт ўтгач, уруш назоратдан чиқди. Дунё янада йирик уруш ёқасида турибди», — деди у журналистларга.

Гутерриш содир бўлаётган воқеалар аллақачон илгари йўл қўйилган чегаралардан чиқиб кетаётганини таъкидлади.

Унинг қайд этишича, низо ортиб бораётган инсоний изтироблар ва дунё иқтисодиёти учун хавф-хатарлар билан бирга давом этмоқда.

«Бу жуда узоққа бориб кетди», — дея қўшимча қилди БМТ Бош котиби.