БМТ Бош котиби: "АҚШ ва Эрон ўртасидаги дипломатик саъй-ҳаракатлар таҳдид остида"

БМТ Бош котиби Антониу Гутерриш Форс кўрфазидаги ҳарбий тўқнашувнинг қайта бошланишидан хавотир билдириб, вазиятнинг янада кескинлашиши Эрон ва Қўшма Штатлар ўртасидаги дипломатик тараққиётга путур етказиши мумкинлиги ҳақида огоҳлантирди.

Бу ҳақда БМТ Бош котиби вакили Стефан Дужаррикнинг хабар қилди.

Гутерриш тўлиқ кўламли ҳарбий ҳаракатларга қайтиш минтақа халқлари, халқаро тинчлик ва хавфсизлик ҳамда глобал иқтисодиёт учун ҳалокатли оқибатларга олиб келиши ҳақида огоҳлантирди.

БМТ Бош котиби барча томонларни максимал даражада вазмин бўлишга, вазиятнинг янада кескинлашишига йўл қўймасликка, музокараларни иложи борича тезроқ қайта бошлашга ва мавжуд келишмовчиликларни дипломатик йўл билан ҳал қилишга чақирди.