Бизга заиф иттифоқчилар керак эмас

Бизга заиф иттифоқчилар керак эмас — АҚШ давлат котиби.

Марко Рубио 62-Мюнхен хавфсизлик конференциясидаги нутқида АҚШ ва Европа ўртасидаги яқин алоқаларга тўхталиб, европаликларни кучлироқ бўлишга чақирди.

Мюнхен хавфсизлик конференциясида Марко Рубио томонидан билдирилган бошқа фикрлар:

◾️ Биз иттифоқчиларимиз ожиз бўлишини истамаймиз, чунки бу бизнинг ўзимизни ҳам заифлаштиради. Бизга ўзини мустақил ҳимоя қила оладиган иттифоқчилар зарур;

◾️ АҚШ Европа кучли бўлишини ва мустақил яшай олишини истайди;

◾️ АҚШ ва Европа ўртасидаги келишмовчиликлар Европанинг келажаги борасидаги хавотирлар билан боғлиқ;

◾️ Чегараларсиз дунё ва миллий манфаатларни глобал тартиб билан алмаштириш ғояси ўзини оқламаган ва хато бўлиб чиққан;

◾️ Ғарб мамлакатларидаги оммавий миграция мисли кўрилмаган даражага етган ва бу давлатларнинг бирлиги ҳамда келажагига таҳдид солмоқда;

◾️ Вашингтон иттифоқчиларидан ажралишни мақсад қилмайди, аксинча улар билан узоқ йиллик дўстликни жонлантиришни истайди;

◾️ Ғарб ўзи яратган глобал ҳамкорлик тизимидан воз кечмаслиги керак, бироқ бу тизим ислоҳотларга муҳтож;

◾️ БМТ катта салоҳиятга эга, бироқ энг долзарб масалаларда у деярли ҳеч қандай рол ўйнамаяпти;

◾️ БМТ Украина ва Ғазодаги можароларга барҳам бера олмади, томонлар ўртасидаги музокаралар АҚШ туфайли амалга ошиши мумкин бўлди.