Microsoft асосчиси Билл Гейтс 27 йиллик турмушидан кейин рафиқаси Мелинда билан расман ажрашди, деб ёзади Business Insider нашри.
Қайд этилишича, 2 августда судья Гейтснинг никоҳини бекор қилиш тўғрисида якуний қарорни қабул қилган. Собиқ турмуш ўртоқларнинг ҳеч бири исмини ўзгартиришни сўрамаган. Aжралишнинг бошқа тафсилотлари ҳозирча номаълум.
Тахминларга кўра, Гейтснинг ажрашиш жараёни дунёдаги энг қимматга айланиши мумкин. Aввалги "рекорд"ни Aмазон онлайн-дўкони асосчиси Жефф Безос ва унинг собиқ рафиқаси Маккензи Безос ўрнатган. Гейтс дунёдаги энг бой беш тадбиркордан бири, унинг оиласи бойлиги 130 миллиард долларга баҳоланган.