Берлинда Фаластинни қўллаб-қувватлаш акцияси бўлиб ўтди

Германия пойтахти Берлин шаҳрида Фаластинни қўллаб-қувватлашга бағишланган намойиш ўтказилди.

Фаластин тарафдорларидан иборат юзлаб одамлар Кройцберг туманидаги Ораниенплац майдонида жамланиб, Исроилга қарши шиорлар айтган ҳолда Нойкёльн шаҳар ҳокимияти биноси томон юриш қилди.

Фаластин билан ҳамжиҳатлик билдирган фаоллар Германия ҳукуматининг Исроилга қурол-яроғ етказиб бериш сиёсатига, шунингдек, Ғазо секторида Исроил томонидан амалга оширилаётган геноцидга қарши норозилик билдиришди.