Туркия Ташқи ишлар вазири Ҳакан Фидан Анқарада Беларус ташқи ишлар вазири Сергей Алейник билан учрашди. Туркия ташқи ишлар вазирлигидаги дипломатик манбаларга кўра, музокараларнинг марказий мавзуларидан бири Ғазо секторидаги гуманитар фалокат бўлди, деб ёзади «Анадолу».
Ҳакан Фидан, Исроил тажовуз йўли билан ўз хавфсизлигини таъминлай олмаслигини таъкидлади.
Дипломат, Туркиянинг Ғазога инсонпарварлик ёрдамларининг узлуксиз етказилиши ва минтақада узоқ муддатли тинчликка эришиш учун эрта ва тўлиқ ўт очишни тўхтатиш учун фаол қадамлар ташлаётганини қайд этди.
Туркия ТИВ раҳбари, шунингдек, Россия Федерацияси ва Украина ўртасидаги зиддият халқаро ҳуқуқ асосида тугатилиши кераклигини таъкидлади. Фидан, томонлар хоҳласа, Туркиянинг Россия-Украина музокараларига мезбонлик қилишга тайёрлигини билдирди.
