Байден Мексика билан чегарада девор қурилишини тўхтата олмаслигини маълум қилди

Конгресс маъқуллаганидан кейин Оқ уй Техас жанубида АҚШ-Мексика чегарасида девор қурилиши учун федерал молиялаштиришни тўхтата олмайди.

Бу ҳақда АҚШ президенти Жозеф Байден журналистлар саволларига жавоб берар экан, тан олди.

"Мен буни тўхтата олмайман", деди Америка раҳбари.

Байденнинг айтишича, у Конгрессни маблағларни қайта тақсимлашга ишонтиришга ҳаракат қилган, бироқ мамлакат қонунларига кўра, у аллақачон ўзлаштирилган пулни қайта йўналтира олмайди.

Давлат раҳбари АҚШ-Мексика чегарасида қурилган деворнинг самарадорлиги ҳақидаги саволга салбий жавоб берди.