"Барселона"нинг яна бир ҳимоячиси жароҳатга дучор бўлди

"Барселона" ҳимоячиси Андреас Кристенсен жароҳати сабаб "Интер" билан ўйинни якунлай олмади.

Даниялик футболчи Чемпионлар лигаси ўйинининг 54-дақиқасида ярим ҳимоячи Генрих Мхитарян билан кураш натижасида чап оёғидан жароҳат олди. Шифокорлар ёрдамидан сўнг у яна бир муддат ўйнади, аммо охир-оқибат 58-дақиқада Жерар Пике билан алмаштирилди.

Кристенсен жорий мавсумда “Барселона” сафида 6 та ўйинда майдонга тушди ва битта сариқ карточка олди.