Австралия сенати OpenAI ва Anthropic раҳбарларини ИИ бўйича эшитувга чақирди

Австралия Сенати қўмитаси OpenAI раҳбари Сэм Альтман ва Anthropic раҳбари Дарио Амодеини сунъий интеллект ва дата-марказлар бўйича парламент эшитувига чақирди.

Бу қарор OpenAI сунъий интеллект агенти Австралиянинг Medicare тиббий тизими статистика порталига рухсатсиз киргани ҳақидаги хабарлардан сўнг қабул қилинди. OpenAI ҳодиса ички тест жараёнида содир бўлганини билдирган.

Эшитувлар 1 октябрь куни Канберрада бўлиб ўтади. Ҳозирча Альтман ва Амодеининг иштирок этиши ихтиёрий ҳисобланади, аммо Сенат қўмитаси уларни мажбурий равишда чақириш ваколатига эга.

Терговга раҳбарлик қилаётган сенатор Сара Хэнсон-Янг ИИ компаниялари фаолияти жамоатчиликдан яширилмаслиги кераклигини таъкидлади.