Аргентинанинг Оловли Ер вилоятида бортида шифокорлар бўлган Learjet 35 самолёти ҳавога кўтарилаётганда қулаб тушди. Ҳалокат оқибатида икки учувчи, врач ва тиббий ҳамшира ҳалок бўлди, деб хабар тарқатди Telam агентлиги.
"Рио-Гранде шаҳри аэропортида тиббий самолёт ҳалокатга учради. Икки учувчи, шифокор ва врач ҳалок бўлди", - дейилади агентлик тарқатган хабарда.
Flying América SA компаниясига қарашли борт Оловли Ер вилояти пойтахтига болали аёлни ташлаб, яна Буэнос-Айресга қайтаётган бўлган.
Айни пайтда Аргентинанинг транспортда хавфсизлик бўйича Кенгаши фожеа сабаблари ўрганилаётганини маълум қилган.