Саудия Арабистони Яман исёнчи ҳаракати Ансар Аллоҳ (Ҳутийлар)нинг Яқин Шарқдаги ҳарбий можарога аралашишининг олдини олиш учун саъй-ҳаракатларни амалга оширмоқда.
Бу ҳақда The Wall Street Journal (WSJ) хабардор манбаларга таяниб хабар берди.
Ушбу манбаларга кўра, Саудия Арабистони расмийлари Ҳутийларни жанговар ҳаракатларга аралашишдан тўхтатиш учун дипломатик каналлардан фойдаланмоқда.
Газета манбаларига кўра, Вашингтон ва Тель-Авив ўз навбатида Ансар Аллоҳни можарога ундаши мумкин бўлган провокацион қадамларнинг олдини олишга ҳаракат қилмоқда.
Ҳутийлар сиёсий бюроси вакили Муҳаммад ал-Буҳейти 14 март куни ҳаракат Теҳрон билан тўлиқ мувофиқлаштиришни давом эттираётганини ва Эронга ҳарбий ёрдам кўрсатиш тўғрисидаги қарор тегишли вақтда эълон қилинишини маълум қилди.
Эслатиб ўтамиз, 28 февраль куни АҚШ ва Исроил Эронга қарши ҳарбий операция бошладилар. Натижада Эроннинг олий раҳбари Оятуллоҳ Али Хоменей ва бошқа бир қанча юқори лавозимли амалдорлар ўлдирилди. Кейин Эрон Исроилдаги нишонларга, шунингдек, АҚШ ва унинг Саудия Арабистони, Қатар, БАА, Уммон, Баҳрайн, Ироқ ва Кипрдаги иттифоқчилари билан боғлиқ объектларга зарба беришни бошлади.
Эронда 19 ёшли спортчи дорга осиб қатл этилди
Грузияда мотам куни эълон қилинди
Эрон АҚШнинг F-35га қандай ракета билан зарба берганини кўрсатди
