АҚШнинг Мустақиллик куни олти кишининг ўлимига сабаб бўлди

АҚШнинг турли шаҳарларида Мустақиллик кунини нишонлаш пайтида содир бўлган отишмаларда камида олти киши ҳалок бўлди ва ўнлаб одамлар жароҳат олди.

Бу ҳақда NBC news хабар берди.

Нью-Йоркнинг Бруклин шаҳридаги Кони ороли маҳалласида қора чанғи ниқоби кийган эркак шанба куни кечқурун оилавий барбекюда қатнашаётган одамларга қарата ўт очди ва натижада камида саккиз киши, жумладан, тўрт бола яраланди.

Шунга ўхшаш ҳодисалар Индиана, Калифорния, Миссури ва Огаё штатларида ҳам қайд этилди. Ҳалок бўлганлар орасида болалар ва ўсмирлар ҳам бор эди. Флоридада Пенсасола марказида содир бўлган отишмада 19 ёшли йигит ҳалок бўлди ва яна олти киши яраланди. Индианада бир нечта отишмалар натижасида бир аёл ва 10 ёшли бола ҳалок бўлди, саккиз нафар катталар яраланди.

Шунингдек, Миссурида 17 ёшли йигит отишмада ҳалок бўлди ва яна икки 16 ёшли йигит ўқ жароҳатлари билан касалхонага ётқизилди.