Асли Россиянинг Владимир шаҳридан бўлган ҳамда ҳозирда АҚШда яшовчи Валерий Спиридонов кам учрайдиган касаллик бел мушаги атрофиясидан азият чекади, деб ҳикоя қилади Zakon.kz .
Ушбу касаллик Вердниг-Гоффман номи билан ҳам аталади.
Касаллик инсонларни юриш қобилиятидан маҳрум этади, унга чалинганлар аксар ҳолларда вояга етмай вафот этади. 33 ёшли Валерий Спиридонов шу ёшгача яшаган жуда кам инсонлардан биридир.
Яқинда Валерий Good Morning Britain кўрсатувида чиқиш қилиб, нима сабабдан бош кўчириб ўтказиш амалиётидан воз кечгани ҳақида гапирди.
2015 йилда Валерий Спиридонов бош кўчириб ўтказиш амалиёти қўлланадиган илк мижоз бўлишга қарор қилганди.
Бу революцион лойиҳа Осмон деб номланган эди. Италиялик нейрожарроҳ Сержио Канаверо инсонда бош кўчириб ўтказиш амалиётини синаб кўришни орзу қиларди.
У маймунларда тажриба ўтказган ва кўчириб ўтказилган бош нерв толаларига ва бошқа аъзоларга сигнал беришда давом этаётганига амин бўлган эди.
Канаверо Спиридонов билан 2016 йилда гаплашган, бироқ ўшанда Валерийда операция учун талаб этиладиган сумма йўқ эди. Шунинг учун операция бир йилга кечиктирилганди.
Валерий Спиридонов ўз интервьюсида шахсий ҳаётда бахтли эканлиги учун операциядан воз кечгани ҳақида айтиб ўтди.
2015 йилда Спиридонов ўзининг бўлажак рафиқаси билан танишди. Аввалига жуфтлик фақат иш доирасида мулоқот қилган, вақт ўтиб уларнинг муносабатлари жиддийлаша бошлаган. 2018 йилда жуфтлик никоҳдан ўтди, ҳозирги кунда эса оилада соғлом фарзанд вояга етмоқда.
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
