АҚШ Президенти Дональд Трамп нутқлари давомида ишлатадиган ибораларга яширинча гаров тиккан телесуфлёр оператори 172 минг доллар (тахминан 14,8 миллион рубль) миқдорида жаримага тортилди. Бу ҳақда АҚШ Товар фьючерслари савдоси бўйича комиссияси (CFTC) баёнотига таяниб ТАСС хабар бермоқда.
Маълум бўлишича, ушбу ходим Трамп ўз чиқишларида айнан қайси сўз ва ибораларни ишлатишини олдиндан билган ва бундан фойдаланиб, прогноз платформаларида 107 минг доллардан (9,2 миллион рубль) ортиқ маблағ ютиб олган. Ушбу инсайдерлик маълумотидан фойдаланиш схемаси фош этилгач, суд уни ютиб олган барча пулларидан маҳрум қилди ва қўшимча 65 минг доллар жарима белгилади.
Бундан ташқари, қонунбузар операторга кейинги уч йил давомида ҳар қандай прогноз платформаларида гаров тикиш тақиқлаб қўйилди.
Ҳиндистонда тўрт қўл ва тўрт оёқли чақалоқ туғилди (фото)
"Бу босиб олинган ҳудуд эмас. Бу бизнинг еримиз..."
Киевнинг бир неча ойи қолди
