АҚШда самолёт ёниб кетди

АҚШнинг Орландо халқаро аэропортида Delta Air Lines самолёти ёниб кетди.

Бу ҳақда АҚШ фуқаро авиацияси маъмурияти маълумотларига таяниб, Fox35 минтақавий телеканали хабар берди.

FAA маълумотларига кўра, Airbus А330 душанба куни эрталаб Атлантага учишга тайёрланаётган эди, бортида 200 йўловчи, 10 стюардесса ва икки учувчи бор эди. Самолёт ҳаракатлана бошлаганида двигателлардан бирининг эгзоз трубкасидан аланга чиққани кўринди.

Эълон қилинган видеода қутқарувчилар ёнғинни ўчиришга уринаётган вақтда йўловчилар фавқулодда слайдлар орқали самолётни тарк этаётганини кўриш мумкин.

Қурбонлар ҳақида маълумотлар йўқ.