АҚШ 14 октябрь куни Венесуэла қирғоқлари яқинида яна бир қайиққа зарба берди. Оқибатда 6 киши ҳалок бўлди. Бу ҳақда мамлакат президенти Дональд Трампга таяниб, BBC хабар берди.
Трампга кўра, қайиқ гиёҳванд моддалар савдосига алоқадор наркотеррорчиларга тегишли бўлган. Ҳужумдан олдин разведка хизматлари бу кема ноқонуний гиёҳвандлик тармоғи билан боғлиқ эканини тасдиқлаган.
Трамп маъмурияти сўнгги бир неча ой ичида халқаро сув майдонида, хусусан, Кариб ҳавзасида бешинчи бор қайиқларга зарба бермоқда. Жумладан, сентябрь ойидан бери жами 27 киши ҳалок бўлгани қайд этилган. Бироқ АҚШ ҳозиргача бу кемалар ёки уларнинг экипажи ҳақида аниқ маълумот бермаган.
Ижтимоий тармоқларда зарба акс этган видеолар ҳам тарқалган. Расмийлар қайиқдаги қурбонлар ким бўлгани ёки қайси давлатга мансуб эканини очиқламаган. Айрим ҳуқуқшунослар бу ҳужумларни халқаро қонунларга зид деб баҳоламоқда. Қўшни давлатлар — Венесуэла ва Колумбия ҳам бу ҳаракатларни танқид қилмоқда.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Пенсионерлар ер ва мол-мулк солиғидан озод этилдими?
