АҚШ ва Сурия президентлари Оқ уйда учрашиши тасдиқланди

АҚШ президенти Дональд Трамп 10 ноябр куни Оқ уйда суриялик ҳамкасби Аҳмад ал-Шара билан учрашади.

Бу ҳақда Оқ уй матбуот котиби Кэролин Лэвитт матбуот учун брифинг чоғида маълум қилди.

"Мен бу учрашув душанба куни Оқ уйда бўлиб ўтишини тасдиқлай оламан. Бу Президентнинг тинчликка эришиш учун барча дунё етакчилари билан учрашишга қаратилган дипломатик саъй-ҳаракатларининг бир қисмидир", деди у.

Лэвитт Трампнинг Яқин Шарққа ташрифи чоғида мамлакатга тинчлик ўрнатиш учун ҳақиқий имконият бериш учун Сурияга нисбатан санкцияларни бекор қилишга қарор қилганини эслатди.

"Ўйлайманки, биз уларнинг янги раҳбарлиги остида бу соҳада яхши ютуқларни кўрмоқдамиз. У душанба куни Оқ уйда бўлади ва ўша куни президентнинг ўзи бу масалада гапиради", — дея қўшимча қилди у.

Сурия етакчисининг 1 ноябрь куни Вашингтонга кутилаётган ташрифи ҳақида илк бор Баҳрайндаги Манама мулоқоти чоғида АҚШнинг Сурия бўйича махсус вакили Том Барак маълум қилган эди. Унинг айтишича, Сурия ИШИДга қарши курашаётган АҚШ бошчилигидаги коалицияга қўшилишни кутмоқда.