АҚШ суди AI компаниясининг OpenAI'га қарши даъвосини рад этди

Бу ҳақда WSJ хабар берди.
​
АҚШ федерал суди "xAI" компаниясининг "OpenAI"ни махфий маълумотларни ўғирлашга уринишда айблаган даъво аризасини рад этди, дея хабар бермоқда "The Wall Street Journal".

​Суднинг фикрича, даъвогарда "OpenAI" компанияси Илон Маск компаниясининг собиқ ходими билан "Grok" чат-боти ишланмаларига оид махфий маълумотларни қўлга киритиш учун тил бириктирганлиги ҳамда ушбу ходим "OpenAI"га ишга ўтиш бўйича музокаралар пайтида тижорат сирларини ошкор қилганлиги тўғрисида ҳеч қандай далил мавжуд эмас.

​Судья, шунингдек, компаниянинг ишни қайта кўриб чиқишга эришишга бўлган уринишларини тақиқлади ва даъво аризасини янада такомиллаштиришдан ҳеч қандай наф йўқлигини маълум қилди.