АҚШ Россияга Нью-Йоркдаги мусодара қилинган дипломатик мулкни қайтариб беришдан бош тортди. Бу ҳақда Россия Федерациясининг БМТдаги доимий вакилининг ўринбосари Геннадий Кузмин маълум қилди, дея хабар беради РИА Новости.
Кузминнинг айтишича, Нью-Йорк штати CОВИД-19 эпидемияси туфайли фавқулодда ҳолат эълон қилганида, Россия дипломатик мулк "коронавирус тарқалиши билан боғлиқ хавфни камайтириш учун" қайтариб берилишини сўраган.
"Шу муносабат билан оғзаки нота юборилди", – деди дипломат.
Бироқ Вашингтон Россия миссияси ижобий жавоб кутмаслиги кераклигини айтди. Шундай қилиб, сиёсий сабаблар гуманитар масалалардан устун келди.
Кузминнинг таъкидлашича, Америка томонининг бундай ҳаракатлари мезбон мамлакат тўғрисидаги келишувни бузмоқда.
Маълумот учун, 2017 йилда Россия Сан-Францискодаги Бош Консулликни, Вашингтондаги савдо ваколатхонасини ва Нью-Йоркдаги савдо ваколатхонасини йўқотганди. Давлат Департаментининг илтимосига биноан улар АҚШ мулкига қайтарилди. Москва бундай хатти-ҳаракатларни номувофиқ ҳаракат деб атаб, судга мурожаат қилган.
Аriston компанияси миллийлаштирилгач, Россия элчиси Италия ТИВга чақиртирилди
ЕЧЛ. Ярим финал. "Бавария" "Реал" билан жанговар дуранг қайд этди
Оқ уй Байденнинг чиқишларини қисқартиради
