АҚШ Украинага топширилган HIMARS ялпи реактив ҳужум тизимлари (ЯРҲТ) параметрларини Киев Россия ҳудудига зарба бермаслиги учун ўзгартирган. Бу ҳақда “The Wall Street Journal” хабар берди.
“АҚШ расмийларига кўра, Украинага берилган HIMARS қурилмаларининг параметрлари, Киев узоқ масофали ракеталар ёрдамида Россия ҳудудига зарба беришда фойдаланмаслиги учун, яширинча ўзгартирган”, - дейилади мақолада.
Материалда қайд этилишича, АҚШ президенти Жо Байден маъмурияти ушбу эҳтиёт чораси Москва билан зиддиятнинг янада кучайиши хавфини камайтириш учун зарур, деб ҳисоблайди.
АҚШ Украинага берилган ЯРҲТларнинг тузилишини шундай ўзгартирганки, улар узоқ масофага учувчи ракеталарни, шум жумладан учиш масофаси 300 километрдан ортиқ бўлган ATACMS ракеталарини ҳам учира олмайди, дея таъкидлаган нашр.
Қўшма Штатлар илгари Украинага бундай ракеталарни беришни расман рад этган бўлса-да, киритилган ўзгартиришлар, ҳатто Киев бошқа каналлар орқали бундай ракеталарни олишга муваффақ бўлган тақдирда ҳам, HIMARS’дан уларни учириш учун фойдаланиб бўлмаслигини таъминлайди, деб ёзади WSJ.
Дин ишлари бўйича қўмита ходимлари ўртасида жанжал келиб чиқдими?
Аriston компанияси миллийлаштирилгач, Россия элчиси Италия ТИВга чақиртирилди
ЕЧЛ. Ярим финал. "Бавария" "Реал" билан жанговар дуранг қайд этди
