Aмерика Қўшма Штатларида Johnson&Johnson вакцинаси билан эмлаш бўйича онлайн равишда овоз бериш бўлиб ўтди.
Шундай қилиб, AҚШнинг Касалликларни назорат қилиш ва олдини олиш федерал марказининг 15 вакили мамлакатда J&J билан эмлашни қайта бошлаш тўғрисида қарор қабул қилиши керак эди. Олинган натижаларга кўра, ўнта мутахассис 18 ёшдан катта одамлар учун ушбу препарат билан эмлашни қайта бошлаш тарафдори бўлган ва тўрт нафари қарши бўлган. Кенгашнинг яна бир аъзоси бетараф қолди.
Кўпгина CДC вакиллари вакцинадан фойдаланишнинг фойдаси мумкин бўлган ножўя таъсирларнинг хавфидан устун эканлигни таъкидлашди. Шундай қилиб, энди мазкур препарат билан эмлаш қайта тикланади.
Бир кун олдин хабар қилинганидек, Қўшма Штатларда апрель ойининг бошларида 50 ёшли аёл J&J вакцинаси билан эмланди ва икки ҳафта ўтиб вафот этди. Эмлаш ва ўлим ўртасидаги тўғридан-тўғри боғлиқлик ҳақида маълумот йўқ.
