АҚШ Германияга Tomahawk ракеталарини етказиб беришдан бош тортиши мумкин

АҚШ маъмурияти Россия томонидан вазиятни кескинлаштириши мумкинлиги ҳақидаги хавотирлар туфайли Германияга Tomahawk қанотли ракеталарини етказиб бериш режасидан воз кечиши мумкин.

Бу ҳақда Politico газетаси хабар берди.

Нашрнинг хабар беришича, Пентагон Германияда ракеталарни жойлаштириш бўйича илгари келишилган режани бекор қилиши мумкин, чунки Вашингтон Москва бу ҳаракатни вазиятни кескинлаштириш деб ҳисоблашидан қўрқади.

Таъкидланишича, бу қарор АҚШнинг Европадаги асосий иттифоқчиларидан бири билан илгари келишилган келишувлардан четга чиқиш бўлади.