"АҚШ Эронга қарши ҳарбий амалиётни дарҳол тўхтатмоқчи эмас!"

Трампнинг сўзларига кўра, Эрон мағлубият ёқасида турибди, бироқ бу кампания тез орада якунланишини англатмайди.

АҚШ президентининг бошқа баёнотлари:

◾️ Ҳўрмуз бўғозида барчаси АҚШ назорати остида. Биз уларнинг барча катерларини йўқ қилдик;

◾️ Биз Эрон ўз имкониятларини қайта тиклашини истамаймиз ва идеал ҳолда у ерда нима қилаётганини тушунадиган раҳбариятни кўришни хоҳлаймиз;

◾️ АҚШ Эроннинг энергия тизимини бир соат ичида йўқ қила олади, уни тиклаш учун эса 25 йил вақт керак бўлади;

◾️ Эроннинг яна озроқ ракеталари қолган, аммо улар кўп эмас ва вазият биз учун жуда қулай;

◾️ Эрон томонидан Калифорния соҳиллари яқинида денгиз орқали эҳтимолий ҳужум ва дронлар учирилиши мумкинлиги ҳақидаги хабарлар текширилмоқда;

◾️ Қўшма Штатлар Эроннинг “уйқудаги қўпорувчи гуруҳлари” борлиги ҳақида хабардор, уларнинг кўпчилиги Жо Байден маъмурияти даврида очиқ чегаралар орқали мамлакатимизга кириб олган.

◾️ Испания биз билан ҳамкорлик қилмаяпти, биз Испания билан савдони тўхтатишимиз мумкин