"Apple" компаниясининг техникалари Трампнинг глобал тарифлари туфайли қимматлашиши мумкин

Американинг "Apple" компанияси Дональд Трамп жорий этган янги глобал божлар муносабати билан ўз маҳсулотлари нархини ошириши мумкин, деб ёзмоқда "Тhe New York Times" нашри.

Энг юқори божлар Apple қурилмалари ишлаб чиқариладиган асосий мамлакатларга таъсир кўрсатди: бу Вьетнам (46%), Хитой (34%) ва Ҳиндистон (26%) давлатларидир.

Эндиликда корпорация икки йўлдан бирини танлаши керак:

— Фойдасига таъсир қилувчи йўқотишларга рози бўлиш.

— Қўшимча харажатларни истеъмолчилар зиммасига юклаш.

Бу хабарлар ортидан Apple акциялари иккинчи даражали савдоларда 5,7% га пасайди.