Анчелотти "Реал"га қайтади – ОАВ

"Эвертон" бош мураббийи Карло Анчелотти "Реал"га қайтади.

61 ёшли италиялик мутахассис Зинедин Зидан кетганидан бери бўш турган лавозим учун фаворит, деб ёзмоқда "Маrcа". Манбага кўра, "қироллик клуби" вариантлар орасидан айнан Анчелотти вариантини маъқул кўрмоқда.

Анчелотти "Реал" да ишлаган (2013-2015) ва жамоа билан 4 та совринни қўлга киритган.

"Эвертон" Анчелотти бошчилигида Премьер-лигада 10-ўринни эгаллаб, Европа турнирларига йўл ола олмади.