Американинг махфий сунъий йўлдоши орбитага номаълум объектларнинг янги партиясини чиқарди

Америкалик астроном Жонатан Макдауелл геостационар орбитада жойлашган LDPE-2 экспериментал сунъий йўлдошидан ажратилган учта кичик космик кемаси USA-551, USА-552 ва USА-553 эканлигини маълум қилди.

Янги сунъий йўлдошларнинг мақсади номаълумлигича қолмоқда. Эҳтимол, улар бошқа космик кемаларни текшириш учун мўлжаллангандир. Шунингдек, гуруҳли парвоз технологияларини синаб кўриш, разведка қилиш ёки сунъий йўлдошга қарши қуролларни синовдан ўтказиш учун тажрибалар ўтказиш учун ишлатилиши мумкин.

Эслатиб ўтамиз, АҚШ Ҳарбий-ҳаво кучлари космик ва ракета маркази учун яратилган LDPE-2 платформаси 2022 йил 1 ноябрда орбитага чиқарилган. 2023-2025-йиллар оралиғида LDPE-2 дан мақсади номаълум бўлган камида еттита сунъий йўлдош ажратилган.