АҚШ президентининг махсус вакили Стив Уиткофф ва куёви Жаред Кушнернинг самолёти Москванинг Внуково аэропортига қўнди, деб хабар бермоқда РИА Новости .
Бироз олдин АҚШ президенти Дональд Трамп "Улар можарони тугатиш бўйича таклиф билан бормоқда", деб хабар берган эди.
Шунингдек Трамп "иккита ажойиб музокарачи"ни юборганини ва келишувга эришиш эҳтимоли катта эканини таъкидлади, лекин режа тафсилотларини ошкор қилмади. Трамп айтишига кўра, бу "таклифнинг ўзи янгилик эмас, бироқ бу сафар ҳаммаси нарса яхши бўлишига катта имконият бор".
Оммавий ахборот воситалари хабарларига кўра, Уиткофф ва Кушнер 5-6 сентябрь кунлари Москва ва Киевга ташриф буюришади. Кремль ташрифни расман эълон қилмади: Россия президенти матбуот котиби Дмитрий Песков учрашув тафсилотлари у бўлиб ўтгандан кейин эълон қилинишини айтди.
Россия президенти Владимир Путин 1 сентябрь куни Украинадаги келишув бўйича музокаралар жараёни "бугунги кунга келиб маълум даражада музлатилганини" айтган эди. Шу билан бирга Россия еткчиси Москва "музокаралар жараёнига ижобий ўзгаришлар киритишга қодир бўлган" ҳар қандай киши билан мулоқотга тайёр эканлигини қўшимча қилди.
Шаҳноза Мирзиёева Мусулмон Юнусовнинг мурожаатига муносабат билдирди
Фарғонада кўп қаватли уй "подвалида" акула боқилаётгани аниқланди
Биз эртагаёқ кетамиз...
