American Airlines авиакомпаниясининг Мадриддан Далласга учиб кетаётган самолёти бортидаги саккизта ҳожатхонанинг олтитаси ишдан чиққани сабабли йўналишини ўзгартириб, Нью-Йорк аэропортига қўнди.
Boeing 777 самолёти бортида 275 нафар йўловчи ва 12 нафар экипаж аъзоси бўлган. Самолёт йўналишини ўзгартириш ҳақида қарор қабул қилинган вақтда ҳавода етти соатдан ортиқ вақт давомида бўлган эди.
Экипаж диспетчерларга PAN-PAN сигналини юборган. Бу сигнал шошилинч вазиятни англатади, аммо инсонлар ҳаётига бевосита хавф мавжудлигини билдирмайди.
АҚШ Федерал авиация маъмурияти режадан ташқари қўнишга ишлайдиган ҳожатхоналар сони етарли бўлмагани сабаб бўлганини тасдиқлади.
Самолёт ҳеч қандай ҳодисасиз қўнди. Нью-Йоркдаги текширувдан сўнг, тахминан уч ярим соат ўтиб парвозини давом эттирди ва кечқурун Далласга етиб борди.
American Airlines компанияси бир вақтнинг ўзида олтита ҳожатхона нима сабабдан ишдан чиққанини маълум қилмади.
Нега айнан Эркинжон Турдимов? Бу қарор ортида қандай омиллар турибди?
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
