Александр Вучич истеъфога чиқиши мумкинлигини маълум қилди

Сербия Президенти Александр Вучич ваколат муддати тугаши яқинлашаётгани муносабати билан истеъфога чиқиши мумкин. Бу ҳақда ТАСС хабар бермоқда.

Эҳтимол, мен тез орада истеъфога чиқарман, — деди Сербия етакчиси Хитойга ташрифи чоғида.

Александр Вучич 2017 йилда Сербия президенти этиб сайланган эди, 2022 йилда эса иккинчи муддатга қайта сайланди. Унинг президентлик ваколат муддати 2027 йилда тугайди.

Ўтган ҳафта Вучич парламент сайловлари кузда сентябрь охиридан ноябрь ўрталаригача бўлган даврда бўлиб ўтишини эълон қилди.