Польша келгуси беш йил давомида аҳолини ҳимоя қилиш ва фуқаролик мудофааси дастури учун 102,4 миллиард злотий, яъни тахминан 26 миллиард доллар йўналтиришни режалаштирмоқда. Бу ҳақда мамлакат бош вазири Дональд Туск маълум қилди, дея хабар беради Reuters.
Унинг сўзларига кўра, дастурнинг устувор йўналишлари қаторига ҳимоя иншоотлари ва бошпаналар қуриш, қутқарув ускуналари ҳамда тегишли инфратузилмани ривожлантириш, шунингдек, инқирозли вазиятлар ва табиий офатлар учун зарур захираларни шакллантириш киради.
Бундан ташқари, огоҳлантириш тизимлари, ахборот технологиялари инфратузилмаси ҳамда муассасалар ва хизматлар ўртасидаги ҳимояланган алоқа тизимларини ривожлантириш учун ҳам маблағ ажратилиши кўзда тутилган.
Reuters таъкидлашича, дастур мамлакат ва аҳолини табиий офатларга, жумладан, сув тошқинларига тайёрлашни ҳам назарда тутади.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
