Fox News телеканалига берган интервьюсида Трамп президентлик даврида Владимир Путин билан яхши муносабатда бўлганини ва Украинада ҳақиқий уруш хавфини ҳис қилмаганини таъкидлади.
"Агар мен президент бўлганимда, Путин ҳеч қачон кенг кўламли босқинчиликка қарор қилмаган бўларди. Oдамларнинг ҳаммаси тирик, гўзал шаҳарлар вайрон қилинмаган бўлар эди. Уларнинг ўрнини ҳеч нарса боса олмайди", - деди у.
Агар у президентлик сайловида ғалаба қозонса, Россияга Украина ҳудудларини босиб олишига рухсат берадими, деган саволга Трамп: "Умид қиламанки, Путин бунга эришмайди", — дея жавоб берди.
