Aфғонистоннинг Ғазни шаҳрида автомобиль портлаб кетди. Натижада камида етти нафар полициячи ҳалок бўлди. Бу ҳақда Tolo News хавфсизлик манбасига таяниб хабар берди.
Манбанинг таъкидлашича, яна 15 киши жароҳатланган — улар шошилинч тиббий ёрдам учун Кобулга вертолётда олиб кетилган.
Хабар қилинишича, портлашдан кейин жангарилар ҳарбий лагерга ҳужум қилишга уринган, аммо улар йўқ қилинган.
Ҳозирча ҳеч бир гуруҳ содир бўлган воқеа учун жавобгарликни ўз зиммасига олгани йўқ.