Афғонистоннинг қатор ҳудудларида кучли сел тошқинлари кузатилмоқда. Сўнгги икки кун ичида табиий офат оқибатида камида 24 киши ҳалок бўлгани маълум қилинди.
Энг оғир вазият Бағлон вилоятида қайд этилмоқда. Маҳаллий манбаларга кўра, мамлакатда қарийб уч кундан буён тинимсиз кучли ёмғир ёғмоқда, бу эса янги тошқинлар хавфини янада оширмоқда.
Қутқарув хизматлари офат ҳудудларида иш олиб бормоқда, бироқ йўллар вайрон бўлгани ва сув сатҳи юқори экани қутқарув ишларини қийинлаштирмоқда.