“Толибон” ҳаракати етакчиси Хайбатуллоҳ Охундзода Афғонистонда аёллар ҳуқуқларини таъминлаш чораларини кўришни буюрди. Унинг буйруғи ҳақида ҳаракатнинг матбуот котиби Забиҳуллоҳ Мужоҳид Твиттер орқали маълум қилди.
Охундзода аёллар эркин инсонлигини ва кимнингдир мулки эмаслигини таъкидлаган. “Ҳеч ким аёлни ўз ишларини ҳал қилиш ёки адоватни тугатиш эвазига бошқа бировга (турмушга) бера олмайди”, – дейилади буйруқда.
Бундан ташқари, беваларни ҳам марҳум эрининг ака-укаси ёки қайсидир қариндоши билан турмуш қуришга мажбурлаш ман этилди. Бевалар кимга турмушга чиқишни ўзлари ҳал қилишлари зарурлиги таъкидланди.
“Толибон” етакчиси аёлларга зулм ўтказиш Аллоҳнинг ғазабига сабаб бўлишини айтиб, аёлларнинг мерос ҳуқуқини тасдиқлади. Шунингдек, идоралар, Олий суд ва маҳаллий ҳокимликларга аёлларнинг ҳуқуқлари борасида аҳолини хабардор қилишга кўрсатма берди.
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
