Ўзбекистон – Қозоғистон муносабатлари кўплаб соҳаларда, шу жумладан, меҳнат миграцияси соҳасида ҳам жадал ривожланиб бормоқда, деб хабар бермоқда Ташқи меҳнат миграцияси агентлиги ахборот хизмати.
Буни Ўзбекистон фуқароларини хорижда иш билан таъминлаш мақсадида Ташқи меҳнат миграцияси агентлиги ва Қозоғистон Республикаси иш берувчилари ўртасида олиб борилган музокаралар натижасида фуқароларимизни ушбу давлатга ишга жалб қилиш бўйича келишувга эришилганида ҳам кўриш мумкин.
Келишувга мувофиқ, 7 март куни Қорақалпоғистон Республикасидан 490 нафар фуқаро «Довуд ота» чегара пости орқали йирик қурилиш объектларида белгиланган эпидемиологик талабларга риоя қилган ҳолда ишлаш учун Қозоғистон Республикасининг Ақтау шаҳрига ташкиллаштирилган ҳолда жўнаб кетди.
Ташқи меҳнат миграцияси агентлиги Қорақалпоғистон Республикаси филиали ходимлари томонидан тегишли тушунтиришлар берилиб, бепул суғурта полиси ва хизмат кўрсатиш шартномаси расмийлаштирилди. Меҳнат мигрантлари ҳуқуқ ва манфаатларини ҳимоя қилиш юзасидан тарқатма материаллар берилди.
Ўзбекистон тиббиёти оғир жудоликка учради
Энергия тармоқларига ўзбошимчалик билан уларниш ўғрилик ҳисобланади
Шойгу: НАТО қўшинлари Россия чегараларига яқинлашмоқда
